Deklarata e Ramës për Bullgarinë, Nesho: Ngre alarmin për diskursin anti-europian

Partia e Lirisë ka reaguar në lidhje me deklaratën e kryeministrit Edi Rama, i cili tha ditën e djeshme në forumin e Bled të Sllovenisë, se Bullgaria për tetë vite ka penguar integrimin e Shqipërisë në Bashkimin Evropian.

Në një deklaratë për mediat, nënkryetari i kësaj force politike, Agim Nesho tha se kjo deklaratë e Ramës, ngre alarmin për diskurs anti-europian.

Ai theksoi se Ministria e Jashtme bullgare do ta ndjekë deklaratën e kreut të qeverisë, sipas të drejtës ndërkombëtare dhe europiane.

“Në përgjigje të retorikës boshe por të qëllimshme të Kryeministrit Rama në forumin e Bled, se ‘Bullgaria per tetë vite ka penguar integrimin e Shqipërisë në BE’, Ministria e Punëve të Jashtme të Bullgarisë ka deklaruar se këtë deklaratë anti-Bullgare dhe anti-europiane do ta ndjekë sipas të drejtës ndërkombëtare dhe europiane.

Akuzat për shpifje ndaj kryeministrit Rama, të bëra nga një vend anëtar i Bashkimit Europian dhe anëtar i NATO-s, një vend historikisht mik i Shqipërisë, ngre alarmin për diskursin anti-europian në të gjitha planet: ndaj politikave të BE-së, ndaj vendeve të vecanta si dhe dështimin në plotësimin e kërkesave themelore të Parlamenit Europian, Bundestagut Gjerman, për forcimin e shtetit ligjor dhe demokracisë në Shqipëri”, theksoi Nesho.

LEXONI GJITHASHTU

• Rama i përgjigjet Bullgarisë: E pamerituar, dikush t’ju ndihmojë në përkthim