BE pezullon vizat për Rusinë, Hoti: Shqetësim për spiunazhin rus

Pedagogu i Marrëdhënieve Ndërkombëtare, Dritan Hoti thotë se vendimi i Bashkimit Evropian për pezullimin e marrëveshjes së vizave me Rusinë, lidhet me shqetësimin e unionit, për rritjen e aktivitetit të spiunazhin rus.

Në një intervistë për “Euronews Albania”, Hoti u shpreh se ndër vite, Rusia ka pasur rrjetet të sofistikuara spiunazhi.

“Problemi i Evropës në lidhje me Rusinë është disi më i komplikuar. Ky vendim, e para lidhet me një shqetësim që ka tërësia e vendeve të Bashkiimit Evropian, sidomos vendet baltike, Polonia dhe Republika Çeke, të cilat janë edhe mbështetëset më të fuqishme të këtij vendimi, me një rritje të mundshme të aktivitetit të spiunazhit nga ana e Rusisë në territorin e Bashkimit Evropian, apo të Evropës në tërësi. Rusia ka qenë aktive ndërmjet dy luftërave botërore në kohën e ish-Bashkimit Sovjetik, gjatë Luftës së Ftohtë ka pasur rrjet të sofistikuar spiunazhi”, theksoi ai.

Shefi i Politikës së Jashtme të Bashkimit Evropian, Josep Borrell ka deklaruar se ministrat e Jashtëm të bllokut evropian janë pajtuar për të pezulluar marrëveshjen për viza me Rusinë.

Pas këtij vendimi, shteasit rusë do ta kenë më të vështirë sigurimin e një vize dhe procesi do t’iu kushtojë më shtrenjtë.

Bashkimi Evropian dhe Rusia kanë marrëveshje për lehtësim të procedurave për viza prej vitit 2007.

LEXONI GJITHASHTU

• BE pezullon marrëveshjen për viza me Rusinë
• Tensione brenda BE-së përpara takimit për ndalimin e vizave për rusët