Kushtetuesja me 5 mandate, anëtarët e rinj duhet të kalojnë nga Presidenca

Me 105 vota pro, parlamenti miratoi dy anëtaret e ri të Gjykatës Kushtetuese. Pas votimit në parlament, gjykata më e lartë në sistemin ligjor tani ka pesë anëtar, një më pak se ç’duhet për ta bërë atë funksionale.

Parlamenti miratoi me konsensus dy anëtaret e reja të Gjykatës Kushtetuese. Në një seancë ku mungonin përfaqësuesit ndërkombëtarë dhe që u ndërpre dy herë me kërkesë të grupeve parlamentare, në fund gjet konsensusi për përzgjedhjen e Fiona Papajorgjit dhe Elsa Toskës si dy anëtaret më të reja të gjykatës më të lartë në vend.

Përpara votimit, kryetari i Kuvendit, Gramoz Ruçi shpjegoi edhe arsyen se përse për të dyja vendet vakante kishte nga një kandidat të vetëm,

Pavarësisht votimit në parlament, dy anëtaret e reja të zgjedhura nga Kuvendit kanë edhe një hallkë të fundit procedurale për të kaluar, që mesa duket do të jetë edhe pengesa kryesore. Ligji për funksionimin e Gjykatës Kushtetuese parashikon se anëtaret e Gjykatës Kushtetuese fillojnë detyrën pasi betohen tek Presidenti i Republikës. Vetë kreu i shtetit nuk e ka njohur këtë procedurë.

Gjithsesi, tanimë Kushtetuesja ka 5 anëtarë, dhe i duhet edhe një mandat tjetër që të nisë funksionimin e plotë për të shqyrtuar çështje që mund të kapërcejnë krizën politike që ka kapur vendin që nga muaji shkurt i këtij viti.