Përdhunimi i 11-vjeçares, banori i zonës: S’i njoh autorët, të frikësuar për fëmijët

Një banor në lagjes ‘Arbëria’ në Prishtinë deklaroi se nuk i njeh autorët që përdhunuan një 11-vjeçare, ngjarja e rëndë për të cilën dyshohet se ka ndodhur në një park lojërash në këtë zonë.

Në një intervistë për emisonin “Sot” në “Euronews Albania”, ai u shpreh se nuk ka vërejtur asgjë të pazakontë dhe ngjarjen e mësoi përmes mediave.

Ai tha gjithashtu se pas kësaj ngjarjeje, banorët e zonës ndihen të frikësuar për fëmijët e tyre.

“Për atë vajzën kam dëgjuar vetëm nëpërmjet mediave, nuk kam vërejtur asgjë të pazakontë. Nuk kam dëgjuar diçka që mund të ishte e pazakontë. Çdo mbrëmje mblidhet rinia këtu, familjarë me fëmijë. Është vend i frekuentuar. Nuk i njoh ata. Kemi diskutuar me fqinjët. Autorët që kanë bërë këtë veprim nuk i njoh. Më vjen keq për vajzën dhe familjen e saj. Kur ndodhin këto raste, normale që frikësohemi, shpresojmë që mos të ndodhin më në të ardhmen”, theksoi banori.

Ditën e djeshme qytetarë të Tiranës u mblodhën në sheshin “Nënë Tereza” për të protestuar për përdhunimin e 11-vjeçares në Kosovë nga 5 persona.

Katër prej autorëve u vunë menjëherë në pranga, ndërsa mesditën e së martës është arrestuar personi i pestë i përfshirë në ngjarjen makabre.

Për këtë rast, ka dhënë dorëheqjen edhe Drejtor i Policisë së Kosovës, Samedin Mehmeti.

LEXONI GJITHASHTU

• 11-vjeçarja u përdhunua në një park lojërash, detaje nga ngjarja tronditëse
• U dhunua seksualisht nga 5 burra, 11-vjeçarja u zhduk dhe në qershor
• Tirana solidarizohet me Prishtinën, protestë për përdhunimin e 11-vjeçares