Analisti tregon arsyen e vizitës së kryeministres së Serbisë në Kosovë

Analisti Agon Maliqi komentoi për Euronews Albania vizitën e kryeministres serbe në Kosovë, Ana Bërnabiç.

Ai u shpreh se kjo vizitë bëhet me qëllimin për të shtensionuar situatën e krijuar mes dy vendeve, pas tensioneve në kufi për reciprocitetin.

“Është një sinjal ndaj Perëndimit që Serbia është e interesuar që të vazhdojë me politikën e marrëveshjes dhe dialogut. Edhe një vizitë për qetësimin e popullsisë të dy vendeve. Njëkohësisht kemi vizitën e zyrtarve të Kosovë ne Luginën e Preshevës. Është një vizitë për të shtensionuar situatën”, u shpreh ai.

Sipas agjendës së publikuar nga zyra e saj, kryqeveritarja nga Beogradi, të hënën e 5 shtatorit, planifikon të vizitojë Mitrovicën, Zveçanin dhe Leposaviçin.

Në ardhjen e saj të parë në Kosovë, Bërnabiç do të takohet me serbët për të përcjellë, siç thuhet, mesazhe të paqes dhe stabilitetit.

LEXONI GJITHASHTU:

• Kryeministrja e Serbisë viziton sot Kosovën
• ‘Serbia të bëhet gati për një vendim të vështirë’, Macron-Scolz letër Vuçiçit