Rudina Hajdari: Përçarja dhe lufta për poste brenda PD-së i shërben Ramës

Ish-deputetja e Partisë Demokratike, Rudina Hajdari thotë se lufta e brendshme dhe dëshira për poste brenda kësaj force politike, po i shërben kryeministrit Edi Rama.

Në një intrvistë për “Euronews Albania”, Hajdari u shpreh se opozita ndodhet në një moment të vështirë, teksa Rama vijon të akumulojë të gjitha pushtetet.

“Opozita duhet të lërë mënjanë edhe dëshirat apo epshet e saj për poste të ndryshme. Përçarja që ka vazhduar prej një viti, të gjitha këto në një mënyrë të drejtë apo të tërthortë i shërben Edi Ramës, në mënyrën sesi ai vazhdon dhe akumulon të gjitha pushtetet e mundshme dhe në të njëjtën kohë dobëson opozitën.

Është vërtet një moment shqetësues. Nga ana tjetër mendoj që objektivat e opozitës nuk duhet të jetë për poste, se kush e udhëheq Grupin parlamentar apo në krye të partisë.”, theksoi ajo.

Sipas saj, Partia Demokratike duhet të lërë pas betejën e brendshme për pozicione të ndryshme, sepse populli shqiptar pret bashkimin e opozitës.

LEXONI GJITHASHTU

• Meta: Shumë shpejt nisim protestat, datën do ta mësoni brenda 24 orëve
• Meta për padinë ndaj ‘Dosjeve’: SPAK ia ka kaluar për kompetencë Prokurorisë