Dëshmia e agjentit para Gledis Nanos për Ervis Martinajn | 5 zhvillime

• ‘Zyrtarë në shërbim të Ervis Martinajt’, çfarë dëshmoi agjenti para Gledis Nanos

Gazetari Elton Qyno u shpreh për Euronews Albania se agjenti Jeton Lami dëshmoi para ish-drejtorit të Policisë së Shtetit se Ervis Martinaj ndihmohej edhe nga zyrtarë të lartë të Policisë së Shtetit.

Gazetari nënvizoi se nëse do të kemi një procedim penal për dëshminë e tij, gjysma e drejtuesve të Policisë do të shkarkohen.

Lexoni për më shumë: ‘Zyrtarë në shërbim të Ervis Martinajt’, çfarë dëshmoi agjenti para Gledis Nanos

• Çfarë shkruante Vis Martinaj në mesazhin e fundit, gazetari: E tradhtuan shokët

Gazetari Elton Qyno tregoi për Euronews Albania se para se Ervis Martinaj të zhdukej familja ka pasur kontakte në forma të ndryshme me të.

Ai tha se mesazhi i fundit i Martinajt ka qenë me xhaxhain e tij, më 8 gusht të këtij viti ku i kishte kërkuar të kishin kujdes pasi mund të kishte kontrolle.

Lexoni për më shumë: Çfarë shkruante Vis Martinaj në mesazhin e fundit, gazetari: E tradhtuan shokët

• Bërnabiç me mesazhe paqeje nga Mitrovica e Veriut: Na intereson stabiliteti

Kryeministrja e Serbisë, Ana Bërnabiç tha se nga Mitrovica e Veriut, ku po qëndron për vizitë, dëshiron të përçojë mesazhe të paqes, stabilitetit dhe tolerancës.

Ajo tha se autoritetet nga Serbia, përfshirë presidentin Aleksandar Vuçiç, do të jenë gjithmonë me komunitetin serb në Kosovë dhe shtoi se është e lumtur që ndodhet në Kosovë “në një moment kaq të vështirë”.

Lexoni për më shumë: Bërnabiç me mesazhe paqeje nga Mitrovica e Veriut: Na intereson stabiliteti

• Përplasjet në PD, Alibeaj: Çoroditja na ka frenuar për të bërë opozitë serioze

Enkelejd Alibeaj për përplasjet brenda Partisë Demokratike, tha për Euronews Albania se çoroditja i ka frenuar për të bërë një opozitë serioze.

Alibeaj u shpreh se ‘asnjë deputet nuk i ka fryrë zjarrit’ dhe se do të vijë momenti që DO kthjellohet situata, me qëllim për të përfaqësuar interesat e qytetarëve.

Lexoni për më shumë: Përplasjet në PD, Alibeaj: Çoroditja na ka frenuar për të bërë opozitë serioze

• Liz Truss zgjidhet kryeministrja e re e Britanisë së Madhe

Liz Truss zgjidhet kryeministrja e re e Britanisë së Madhe.

Truss fitoi 81,326 të votave dhe rivali i saj Richi Sunak 60,399, njoftoi të hënën Graham Brady, kryetar i komitetit.

Gjatë fjalës së saj, ajo falënderoi familjarët, mbështetësit edhe ish-rivalin tim Richi Sunak, duke vlerësuar figurën e tij.