Bumçi: PD u ringrit nga një projekt për ta shkatërruar, ofrojmë shpresë për vendin

Anëtari i Kryesisë së Partisë Demokratike, Aldo Bumçi deklaroi se kjo forcë politike u ringrit nga një projekt për ta shkatërruar.

Në një intervistë për “Euronews Albania”, se 7 korriku ishte një shenjë ku qytetarët iu përgjigjën thirrjes së Partisë Demokratike, e cila nuk ka pushtet.

Sipas tij, opozita ofron shpresë për qytetarët në vend.

“Partia Demokratike u ringrit nga një projekt për ta shkatërruar dhe më 7 korrik mbushi bulevardin. Ata qytetarë që dolën dhe mbushën bulevardin në një sezon që nuk është sezon protestash, iu përgjigjen thirrjes së një partie që nuk ka pushtet, nuk ka fonde, nuk ka zyra.

Çfarë shenje tjetër është përveçse besim dhe shpresë? Ndërmjet partive opozitare ka bashkëpunim. Partia Demokratike dhe Partia e Lirisë bashkëpunojnë me partitë e tjera. Ne duhet të ndërtojmë një front të gjerë për të sjellë shpresën në këtë vend. A ofron shpresë opozita? Po”, theksoi ai.

LEXONI GJITHASHTU

• Hajdari: Kam kritikuar Berishën, por duhet respektuar vullneti i anëtarësisë
• ‘Alibeaj të tërhiqet’, Hajdari: Berisha u zgjodh kryetar nga votat e demokratëve
• Rudina Hajdari: Përçarja dhe lufta për poste brenda PD-së i shërben Ramës