Luka Modriç fiton çmimin prestigjioz “Golden Food”

Luka Modric konfirmohet si një nga lojtarët më të mirë gjatë viteve të fundit. Kroati fitoi çmimin “Golden Foot” që njihet ndryshe si çmimi i karrierës që akordohet për lojtarët mbi 28 vjeç.

Mesfushori kroat ka një karrierë mjaft të suksesshme, ai është aktivizuar me ekipe si Real Madrid dhe Tottenham.

Lojtari i Real Madrid udhëtoi drejt Monacos për të marrë këtë çmim që e konfirmon atë si një nga futbollistët më të mirë të viteve të fundit.

“Ishte një kënaqësi e madhe për mua që të jem këtu. Jam i nderuar që marr këtë çmim mjaft prestigjioz. Falenderoj të gjithë ata që votuan për mua”, është shprehur Luka Modriç gjatë fjalës së tij.

Mesfushori bëhet lojtari i 17 në historinë e futbollit që e merr këtë çmim prestigjioz.

Trofeun e parë në Golden Foot, e ka marrë Roberto Baggio në vitin 2003 ndërsa fituesi në fuqi ishte sulmuesi i PSG Edison Kavani.

Luka Modriç vitin e kaluar fitoi Topin e Artë, një trofe shumë prestigjioz.