Alibeaj: Emërimi i Rrumbllakut në krye të policisë, makiazh për të mbuluar dështimet

Kreu i Grupit Parlamentar të PD, Enkelejd Alibeaj, ka reaguar për vendosjen e Muhamet Rrumbullakut në krye të Drejtorisë së Policisë së Shtetit pas shkarkimit të Gledis Nanos, nga kjo detyrë.

Në një postim që ka bërë në rrjetet sociale, Alibeaj thotë se ndryshimet ne kupolën e Policisë janë thjesht makiazhi i radhës për të mbuluar dështimet.

Më tej ai thekson se lëvizjet e sotme në strukturën e Policisë si pjesë e riciklimit të figurave të vjetra qartas nuk mund të ndihmojnë në rikthimin e normalitetit të sigurisë në vend.

Ndër të tjera Alibeaj thekson se kriminaliteti në shifra alarmante, lidhjet tashmë të faktuara të segmenteve të Policisë me bandat dhe implikimi i këtyre të fundit në procesin elektoral të 25 prillit është dëshmi e qartë se Edi Rama dhe qeveria e tij e kanë të pamundur të përballen dhe aq më tepër të luftojnë me krimin.

LEXONI GJITHASHTU: 

• Muhamet Rrumbullaku, Drejtori i ri i Përgjithshëm i Policisë së Shtetit