Vera Ora tregon si nisi karriera e Rita Orës

Rita Ora ka qenë një fëmijë aktiv që i pëlqente vëmendja dhe performanca, por për të ëmën në fillimet e saj, kjo nuk ishte shenjë e mjaftueshme që tregonte se Rita do të bëhej ylli që është sot.

Vera Ora ndau me ndjekësit e “SOT” në Euronews Albania historinë se si Rita nisi të binte në sy për talentin e saj.

“E morën në një prezantim të shkollës për festën e Krishtlindjeve dhe kishte marr një rol kryesor në këndimin në shfaqje. Unë e kam pasur djalin shumë të vogël, 6 muajsh dhe kur ikëm atje i them bashkëshortit ‘Besnik kjo këndon shumë mirë’. Unë u befasova,” – tha Ora.

Ajo tregoi se gjithnjë ka qenë e zënë me angazhimet e saj dhe nuk e kishte vënë re talentin e të bijës.

Pas asaj ngjarje, Rita Ora u angazhua në korin e shkollës dhe më pas bëri një audicion për një shkollë muzike, të cilin e fitoi dhe në atë moment siç tregoi Vera Ora, të dy, bashkë me partnerin u vunë para vështirësisë duke menduar për universitetin dhe studimet e mirëfillta.

Vera Ora solli në vëmendje se sa gabim kanë bërë që fillimisht e konsideruan talentin e Ritës vetëm një pasion, ndërkohë që bëhej fjalë për drejtimin që ajo mori në jetë.

LEXONI GJITHASHTU:

• Vera Ora rrëfen vështirësitë në Britaninë e Madhe: Asokohe isha sipërfaqësore
• Ekskluzive| Vera Ora tregon si u ndje pas koncertit të Ritës
• Vera Ora: Të rrisim ndërgjegjësimin, rininë e kemi të bukur