Ish deputeti i PS: Si ekonomist nuk e pranoj amnistinë fiskale të qeverisë

Ish-deputeti i PS-së Ervin Bushati është shprehur se është kundër amnistisë fiskale.

Në emisionin “Now” në Euronews Albania, Bushati tha se si ekonomist që është nuk e pranon dot amnistinë fiskale, të paraqitur pak kohë më parë nga qeveria.

“Unë jam kundër amnistisë fiskale. Si ekonomistë unë nuk e pranojë. Megjithatë vendimmarrja është e drejtë , vëmendja është e drejtë, ndoshta vendimi i Këshillit të Ministrave duhet të ishte parë më me qetësi dhe më afatgjatë.”- tha ai.

Më 17 Korrik kryeministri Rama, ministrja Ibrahimaj, guvernatori Sejko dhe ekspertë të fushës prezantuan projektligjin për Amnistinë Fiskale i cili do të zgjasë 9 muaj.

Delina Ibrahimaj shpjegoi se kjo amnisti është e para e këtij lloji, e plotë, duke qenë se të tjerat kanë qenë të pjesshme dhe kanë pasur qëllim vetëm faljen e detyrimeve tatimore.

“Ky projektligj ka një sërë avantazhesh. Ai propozon që ne të diskutojmë dhe analizojmë premisat. Synon të ketë një afat 9 mujor zbatimi. Subjektet janë individë, janë edhe individë rezidentë tatimorë edhe nëse nuk janë shtetas shqiptar. Është parashikuar një kufi prej 2 milion eurosh,” – u shpreh Ibrahimaj asokohe.

LEXONI GJITHASHTU: 

• Prezantohet projektligji për Amnistinë Fiskale, do të aplikohet për 9 muaj