Sërish pengmarrje në Ukrainë, një person i armatosur rrëmben një kolonel të forcave policore

Vetëm dy ditë pas rrëmbimit të një autobusi me pasagjerë, një tjetër pengmarrje ka tronditur të enjten Ukrainën.

Një person i armatosur në qytetin Poltava i ka shpëtuar arrestimit të uniformave blu dhe ka marrë peng një prej oficerëve të policisë.

Agjentët po përpiqeshin ta arrestonin pengmarrësin për vjedhjen e një automjeti, por papritur ai nxori një granatë, i kërcënoi ata dhe mori peng një prej tyre.

Pas një procesi paraprak negociatash, agresori liroi agjentin dhe e shkëmbeu atë me një kolonel të policisë, me të cilin u largua në bordin e një makine.

Zëvendësministri i Brendshëm ukrainas, Anton Gerashçenko ka deklaruar se negociatat po vazhdojnë në mënyrë që pengmarrësi të dorëzohet pa shkaktuar gjakderdhje.