Këshilli Politik rinis sot në 17:00, Yuri Kim: Palët duhet të marrin pjesë në mirëbesim

Këshilli Politik do të rimblidhet sot në 17:00 pas kërkesës së bërë nga ana e Partisë Socialiste. Gjatë ditës së sotme, përfaqësuesi socialist në këshill, Damian Gjiknuri pranoi kërkesën e PD– LSI për t’u ulur në tryezë dhe për të diskutuar paketën ligjore që janë dakordësuar më parë por që kërkojnë miratim.

Në takimin e sotëm marrin pjesë anëtarët e Këshillit Politik, Damian Gjiknuri, Oerd Bylykbashi, Petrit Vasili dhe Rudina Hajdari.

Ambasadorja e Shteteve të Bashkuara të Amerikës, Yuri Kim shkruan se marrëveshja e votuar sot në Kuvend tashmë është kthyer në ligj.

Ajo gjithashtu ka përshëndetur gatishmërinë e treguar nga palët për t’u riulur në  tryezën e Këshillit Politik dhe për të diskutuar çështje te tjera, të kërkuara dje nga Partia Demokratike.

“Marrëveshja e 5 qershorit është tani ligj. Përfshirja dhe transparenca duhet të jenë norma për veprime të rëndësishme kombëtare. Më vjen mirë që shoh se Këshilli Politik u ritakua sërish për të rishikuar ndryshime të tjera përveç 5 qershorit. Të gjitha palët duhet të marrin pjesë në mirëbesim dhe të vazhdojnë përfshirjen dhe transparencën’, shkruan Kim në “Twitter”. 

June 5 agreement is now law. Inclusiveness & transparency should be the norm for significant national actions. Good to see Political Council reconvened to consider add’l measures beyond 6/5. All parties should participate in good faith, continue inclusion & transparency. pic.twitter.com/UgWgepnjXG

— Ambassador Yuri Kim (@USAmbAlbania) July 23, 2020

Lexoni githashtu:

Marrëveshja e 5 qershorit merr 99 vota, Rama: Në 30 korrik ndryshojmë Kushtetutën

Ndërkombëtarët përshëndesin votimin e marrëveshjes me sytë nga 30 korriku