Gruaja e mbretit, çfarë titulli do të mbajë Camilla Parker?

Princi Charles u bë mbret i Britanisë së Madhe si djali i madh i mbretëreshës Elizabeth II. Që kur nëna e tij u kurorëzua në vitin 1952, ishin bërë plane që ai të merrte rolin e monarkut.

Por çështja e titullit të gruas së tij Camilla është një tjetër çështje me rëndësi. Mbretëresha tha gjatë jubileut të saj “Platinum” se donte që Camilla të njihej si “Mbretëresha bashkëshortore” kur Princi Charles të bëhej mbret.

Në vitin 2005 kur Charles dhe Camilla u martuan, tetë vjet pas vdekjes së Lady Dianës, Camilla e bëri të qartë se synonte të përdorte titullin “Princesha Consort”. Kjo ishte hera e parë në historinë e monarkisë britanike që përdoret një titull i tillë.

Vendimi u pa si një pranim publik se roli i saj i ri ishte i vështirë për t’u pranuar, pas vitesh spekulimesh mediatike për lidhjen e tyre, divorcin e hidhur të Charles dhe Dianës dhe vdekjen e Dianës në 1997.

Për të njëjtën arsye, kur u martua me Charles, i cili ishte Princi i Uellsit në atë kohë, ajo zgjodhi të mos përdorte titullin Princesha e Uellsit, që përdorte Diana. Në vend të kësaj, ajo zgjodhi Dukeshën e Cornwall-it.

Për mediat britanike në atë kohë Camilla pranoi se kjo situatë “nuk ishte e lehtë për të”.