Balluku në Greqi: Me Skavicën bëhemi eksportues neto të energjisë

Problemet që po dalin nga kriza energjetike, kanë bërë bashkë qeveritë e Europës Juglindore në Selanik të Greqisë.

Nevoja për bashkëpunim dhe investimet për të garantuar pavarësi energjetike në vend janë referuar nga ministrja Belinda Balluku. Kjo e fundit, ka folur edhe për projektet afatgjata.

“Nga viti 2019 kem nisur të adresojmë strategji intensive për të ndërtuar burime të reja energjie. Një nga projektet e rëndësishme që kemi nisur është hidrocentrali i Skavicës. Deri në 2030 synojmë të rrisin kapacitetin e prodhimit me 4 terravat, që do ta bëjë Shqipërinë një eksportuese neto, por do të ndihmojmë edhe vendet fqinje”, tha Balluku.

Viti 2030 shihet si viti i daljes nga kriza, dhe për ambasadoren Yuri Kim, Shqipëria është në rrugë të mbarë me ndërtimin e Skavicës dhe planet e investimet e tjera që rrisin prodhimin energjetik.

“Shqipëria në një mënyrë, me shumë mundësi do na surprizojë të gjithëve ne”, u shpreh Kim.

Diskutimet në forum nxorën në pah edhe nevojën e kursimit të energjisë në këtë periudhë.

LEXONI GJITHASHTU:

• Energjia elektrike, Lapaj: Me skemën e re, kemi çmimin më të lartë në rajon
• Berisha: Energjia elektrike po shndërrohet në shkop magjik i vjedhjeve nga Rama