Hëna 5 miliardë dollarëshe ‘zbret’ së shpejti në Dubai

Këtë javë, kompania kanadeze arkitekturore ‘Moon World Resorts’ njoftoi planet për të ndërtuar në Dubai një resort prej 5 miliardë dollarësh që i ngjan Hënës.

Projekti ka për qëllim të ndihmojë vizitorët, që nuk kanë lidhje me Jeff Bezos ose Elon Musk, të përjetojnë turizmin hapësinor. Zona rreth sipërfaqes hënore të resortit, e quajtur “kolonia hënore”, është projektuar për të ngjallur ndjesinë e të qenit në (ose të paktën shumë afër) sipërfaqes së Hënës. Përveç kësaj, vizitorët mund të planifikojnë të rezervojnë një nga 300 rezidencat private të resortit, të njohura si vilat qiellore, të cilat do të vendosen në superstrukturën në formë disku të ndërtesës kryesore.

“Moon Dubai do të ndikojë ndjeshëm në çdo aspekt të ekonomisë së Emirateve të Bashkuara Arabe, duke përfshirë turizmin, transportin, pasuritë e paluajtshme komerciale dhe rezidenciale, infrastrukturën, shërbimet financiare, aviacionin dhe hapësirën, energjinë, MICE, bujqësinë, teknologjinë dhe natyrisht arsimin”, thonë bashkëthemeluesit Sandra G. Matthews dhe Michael R. Henderson, në një deklaratë për shtyp sipas Arabian Business.

LEXONI GJITHASHTU:

• Zbulohet vendbanimi 7800 vjeçar në afërsi të rrugës Pogradec-Drilon
• Zbulohet në Skoci autoportreti i Van Gogh i ngjitur prapa një pikture tjetër