Hakerat iranianë s’kanë mundur të marrin të dhëna nga TIMS, thotë gazetari

Gazetari Xhevahir Zhabina u shpreh në një intervistë për Euronews Albania se sistemi TIMS është funksional në të gjithë vendin.

“Sistemi TIMS funksionon në të gjithë pikat kufitare në vend. I fundit sistem që është rregulluar ka qenë ai i Portit të Durrësit. Sistemi TIMS është një sistem të dhënash, ku kanë akses kryesisht Policia dhe Prokuroria dhe aty janë të gjitha hyrje daljet e personave. Data-baze mban të dhënat nëse ky person ka qenë i dënuar apo nëse po hetohet”, u shpreh gazetari.

Gjatë intervistës me gazetaren Esmeralda Mulaj, ai tha se nga informacionet që ka marrë, hakerat nuk kanë mundur të marrin të dhëna nga sistemi TIMS.

“Problemi më i madh në këtë histori është nëse ka pasur marrje të dhënash. Nëse këto dhëna bëhen publike, këto të dhëna janë shumë sensistive. Nga informacionet që kemi nuk ka pasur një rrjedhje të informacionit. Sulmi kibernetik ka nisur në maj të 2021, është goditur fillimisht faqja “Administrata.al”, u shpreh gazetari.

LEXONI GJITHASHTU:

• Sistemi TIMS rikthehet në funksion pas sulmit kibernetik | 5 zhvillimet
• Çfarë ndodh nëse hakerat sulmojnë përsëri sistemin TIMS në Rinas?