Shqipëria synon 230 mln euro nga BE, përparësi projektet për punësimin e energjinë

Shqipëria synon që të përthithë rreth 230 mln euro financime nga fondet IPA të BE për projektet përgjatë vitit 2023.

Shifra u tha gjatë diskutimeve në Komisionin e Ligjeve, ku u diskutua projektmarrëveshja.

“Nëse në 2014 shuma e përgjithshme nga fondet IPA shkonte në 66.7 mln euro, në vitin 2023 parashikohet që të shkojë në 229.5 mln euro”, tha deputetja e PS, Ermonela Felaj.

Sipas marrëveshjes së dorëzuar në Kuvend, me përparësi financimi për vitin e ardhshëm do të jenë projektet në fushën e punësimit, rimëkëmbjes ekonomike, energjisë dhe rinisë.

Për këtë vit, përparësi financimi nga fondet IPA patën projektet në fushën e drejtësisë, integrimit, vettingut dhe menaxhimi i integruar i ujërave.

LEXONI GJITHASHTU:

• ‘Paratë e BE për inceneratorët’, AZHBR: Sulme politike, fondet monitorohen
• Subvencionet në bujqësi, AZHBR: 62 mijë aplikime, ezaurohen fondet