‘Të mos sillemi si struktura paralele’, Tabaku: Përçarja është realitet i ri në PD

Deputetja e Partisë Demokratike, Jorida Tabaku thotë se kjo forcë politike po përballet me një realitet të ri, pasi edhe për reformën territoriale, deputetët mbeten të përçarë dhe janë ngritur dy grupe.

Në një intervistë për “Euronews Albania’, Tabaku u shpreh se nëse deputetët e tjerë kanë mendime në lidhje me reformën, mund t’i shprehin.

“Është një realitet i ri në Partinë Demokratike dhe ne duhet ta njohim. Nuk bëjmë dot sikur nuk ekzisto dhe sikur nuk është atje. Unë shpresoj që të gjithë kolegët ta shohin në sy dhe të mos të sillen sikur janë pjesë e strukturave paralele.

Dje kryetari i grupit, zoti Enkelejd Alibeaj mblodhi Grupin Parlamentar për të diskutuar për reformën, diskutuam detaje të tjera. Nëse ka kolegë të tjerë të Partisë Demokratike që do sjellin mendime shtesë, besoj se kolegët që janë në Komisionin e Reformës Territoriale do t’i dëgjojnë ata me kënaqësi”, deklaroi Tabaku.

Sipas saj, reforma aktuale territoriale ka dështuar.

Nëse nuk do të ketë shtyrje, Komisioni i Reformës Territoriale pritet ta përmbyllë punën e tij në 30 shtator.

LEXONI GJITHASHTU

• Çmimet në Shqipëri u rritën përpara se të niste lufta në Ukrainë, thotë Tabaku
• Ndërtimet dhe katet shtesë pa leje, Tabaku: Përgjegjësit janë në qeveri dhe bashki
• Financimi rus për PD-në, Jorida Tabaku: Le të flasë drejtësia