Avokati: Gazetarët të hulumtojnë si lëvizin të shumëkërkuarit, jo të kopjojnë

Avokati Arbër Hoxha thotë se prokuroria po zbaton ligjin që ndalon publikimin e dokumenteve që përbëjnë sekret shtetëror.

Në një intervistë për Euronews Albania, avokati u shpreh se mediat mund të hulumtonin mbi bazën e dokumenteve të dala atje ku ka interes publik si afera korruptive, por jo materialin konkretisht.

“Asnjë material i publikuar deri tani nuk përbën interes publik. Gazetarët mund të bënin një punë hulumtuese se si lëviz Talo Çela 8 vjet në kërkim dhe jo të publikojnë materiale copy paste. Nëse marrin informacione copy paste do procedohen sipas ligjit. Jo të gjitha materialet e publikuara përbëjnë sekret shtetëror”, tha avokati.

Autorët e sulmeve kibernetike në Shqipëri kanë publikuar të hënën email-et zyrtare ku tregoheshin planet për të eliminuar Albin Kurtin dhe Lulzim Bashën. Ndërkohë, kanë nxjerrë detaje edhe për të shumëkërkuarin Talo Çela.

LEXONI GJITHASHTU:

• Publikimi i e-maileve, eksperti Semanaj: Është hakeruar serveri i gov.al
• Prokuroria u ndalon mediave publikimin e çdo të dhëne të nxjerrë nga hakerat