Tregtia e jashtme rritet në vlerë, 300 milionë euro eksporte në muajin gusht

300 milionë euro ishte vlera e mallrave që Shqipëria eksportoi në gusht. Rritja është 40%, krahasuar me vitin e kaluar.

Materialet e ndërtimit dhe metalet kanë dhënë kontributin më të madh me rritje 13%, ndjekur nga lëndët djegese dhe energjia elektrike me 12%.

Me peshë në ecurinë e mirë të eksporteve kanë qenë në gusht edhe tekstilet e këpucët.

Shkëmbimet tregtare janë zgjeruar me Italinë, shtetin kryesor që furnizon vendin tonë me mallra. Në muajin e tetë, eksportet janë zgjeruar edhe me Spanjën e Gjermaninë, ndërsa ka pasur rënie nga Kina, Kosova e Maqedonia e Veriut.

Nga ana tjetër edhe importet kanë shënuar rritje. Ato kanë arritur në nivele të larta në 680 mln euro, rreth 160 mln euro më shumë se vjet.

Rritja e çmimeve në tregje ka dyfishuar vlerën e importeve edhe në 8-mujor, cka ka ndikuar edhe në thellimin e deficitit në 2.4 mld euro.

LEXONI GJITHASHTU

• Lulëzon tregtia e bananes, milionat që fshihen pas rritjes së importeve
• Gazetari: Në dy vitet e fundit u sekuestuan 1.5 ton kokainë në Portin e Durrësit
• Hetimet për trafikun e kokainës, policia nuk shkon dot te organizatorët