“Ulin faturat”, Karakaçi: 510 familje instaluan pajisjet fotovoltaike

Drejtori i Përgjithshëm i Politikave dhe Zhvillimit të Energjisë dhe Industrisë në Ministrinë e Infrastrukturës dhe Energjisë Enea Karakaçi, tha se instalimet e paneleve diellore, ulin çmimet e faturave dhe konsumin e energjisë elektrike.

“Masat mbështetëse janë dy llojesh. Një nga masat kryesore për uljen e konsumit të energjisë është një masë financimi direkte për abonentët familjarë për instalimin e paneleve diellore për ujin e ngrohtë. Kjo konsumon 30% të energjisë në familje. Kjo është një masë shumë e mirë dhe ndikon direkt në uljen e faturës së abonentëve familjarë dhe me uljen  e konsumit”- theksoi ai.

Ndër të tjera ai bëri me dije 510 familjarë kanë instaluar pajisjet fotovoltaike

“Ne kemi aplikuar dhe një ligj shumë mbështetës. Ne lejojmë deri në 500 KW kapacitet të instaluara. Aktualisht janë 510 abonentë familjarë dhe biznese që kanë instaluar panele fotovoltaike dhe kapaciteti i tyre në tërësi është 51 mega, 20% janë familjarë, 80% biznese”- shprehet ai.

LEXONI GJITHASHTU: 

• Kriza energjitike, Balluku: Mbështesim shtresat në nevojë me mbi 22 mln euro
• Tabaku: Qeveria e paaftë të menaxhojë fondet e Bashkimit Evropian