Sulmet kibernetike, Mediu: Të krijohet Agjencia e Sigurisë, partitë të reflektojnë

Ish-ministri i Mbrojtjes, Fatmir Mediu, nga foltorja e Kuvendit është shprehur se ka ardhur koha që të krijohet një Agjenci e Sigurisë Kombëtare, që të merret çdo ditë me analizën dhe problemet e sigurisë.

Mediu teksa ka folur për sulmet kiberentike, tha se është koha që opozita dhe mazhoranca të reflektojnë dhe së bashku të bëjnë atë që është më e mira për zgjidhjen e kësaj situate.

“Irani jo vetëm ka kryer sulme kibernetike por do të vazhdojë. Jo vetëm Irani por edhe vendet e tjera që nuk duan Shqipërinë të e as Ballkanin që të jetë pjesë e BE. Ky moment që po kalojmë duhet të na bëjë të reflektojmë në radhë të parë qeverinë. Një grup deputetësh që ishim në SHBA, kemi kërkuar që të kemi mbështetje të plotë nga NATO dhe SHBA. Është momenti që ta marrim seriozisht këtë situatë. Duhet të përpiqemi të bëjmë atë që është më e mira. Duhet të bëjmë një vlerësim të plotë të gjithë sistemeve tona, të shohim se ku i kemi problemet. Çështja e sigurisë kombëtare nuk është çështja e qeverisë, kjo është një nga gabimet që bëjmë ne në funksionimin e shtetit. Ka ardhur koha që të krijohet një Agjenci e Sigurisë tonë kombëtare që të merren me analizën e problemeve të sigurisë.

LEXONI GJITHASHTU: 

• Sulmet kibernetike, Peleshi akuza opozitës: Po bëni lojën e një fuqie të zezë
• Negociatat, Duma: Vidhet ajo që na falet, Beqja në krye të rrjetit antikorrupsion
• Majko partive për votimin e emigrantëve: Përgjigjuni letrës nga KQZ