‘Meta na ka cenuar dinjitetin’, reagon Autoriteti i Dosjeve pas akuzave

Autoriteti për informimin me Dosjet e ish-Sigurimit të Shtetit ka reaguar pas akuzave te ish-presidentit Meta.

Në këtë reagim thuhet se gjuha e përdorur nga Meta është fyese dhe cenon dinjitetin e secilit prej anëtarëve të Autoritetit.

“Është e drejtë e çdo individi të shprehë lirisht mendimet e tij, por nga ana tjetër kjo liri e shprehjes kufizohet nga etika në funksion të mbrojtjes së moralit dhe dinjitetit të personave kundrejt të cilëve drejtohet. Autoriteti shpreh keqardhje që shprehje fyese dhe jo etike, vijnë nga ish-zyrtarë në funksionet më të larta shtetërore dhe synojnë intimidimin e trupës kolegjiale gjatë zbatimit të detyrës për informimin e publikut me dokumente të ish-Sigurimit të Shtetit”,  thuhet ndër të tjera në këtë reagim.

Autoriteti i Dosjeve kërkon që institucionet ligj zbatuese, përfshirë këtu edhe institucionet ku është paraqitur kallëzimi penal ndaj anëtarëve të Autoritetit, duhet të lejohen të kryejnë detyrën e tyre në këtë drejtim.

LEXONI GJITHASHTU:

• Dosjet e ish-sigurimit, deputeti: Autoriteti do bëjë transparencë, e mbështesim
• Dy presidentë të Shqipërisë u shantazhuan me dosjet, thotë gazetari
• Metaj: I bindur që Meta ka qenë bashkëpunëtor i Sigurimit të Shtetit