Festa e rakisë së manit/ Boboshtica pret dhjetëra turistë, mungon muzeu i premtuar

E kthyer tashmë në traditë është organizuar për të disatin vit radhazi festa e rakisë në fshatin Boboshticë të Korçës.

Ky fshat është i njohur jo vetëm për mikpritjen por edhe për prodhimin cilësor të rakisë së manit.

Manat shekullore identifikojnë Boboshticën dhe banorët e zonës janë zanatçinj të nxjerrjes së kësaj pije me shije të veçantë, por e njohur dhe për vetitë kurative.

Banorët  dhe vizitorët shprehen mjaft të kënaqur nga kjo festë e cila ka gjallëri ku pihet e festohet por këtë vit sipas tyre pjesëmarrja është me e ulët.

Boboshtica ka pasur një tkurrje të popullsisë, të cilët janë larguar në emigrim e ndërkohë ka nga ata që e shohin këtë vend si potencial për tu kthyer e për të investuar në vendin e tyre.

Premtim për banorët e  Boboshticës ende i parealizuar ka qenë edhe ndërtimi i Muzeut të Rakisë në qendrën e fshatit i cili do i vinte në ndihmë edhe banorëve të zonës për të treguar vlerat dhe traditën.

LEXONI GJITHASHTU: 

• Çiklizëm në ditën pa makina, gara në Korçë vështirësohet nga era
• Përfshihet nga flakët tarraca e një godine në Korçë