Shkëlqen Kroacia dhe Holanda, në mbrëmje sfida Angli-Gjermani

Kroacia dhe Holanda e kanë mbyllur me sukses fazën e grupeve në Ligën e Kombeve duke u renditur të parët.

Të besuarit e Zlatko Daliç triumfuan lehtësisht në Austri me rezultatin 1-3. Ndërkohë që kapiteni Modriç kaloi në avantazh të tijët, Livaja e Lovren vulosën fitoren. Për austriakët shënoi Baumgartner.

Holanda kërkon rikthimin tek trofetë, diçka të tillë e synon dhe në Ligën e Kombeve, ndërkohë që në ndeshjen e fundit mposhti Belgjikën me rezultat minimal.

Van Dijk ishte heroi i tulipanëve, të cilët e mbyllin grupin me 4 fitore dhe 1 barazim. Franca ka regjistruar një tjetër dështim, ku u mposht nga Danimarka 2-0.

E hëna rikthehet me supersfidën Angli-Gjermani, megjithëse dy skuadrat vijnë pa pretendime, për faktin se dështuan të vendoseshin në krye të grupit.

Hungaria udhëheq e sigurt, ndërsa përballja e fundit sjell në tavolinë Italinë, i vetmi kundërshtar që i mundi hungarezët në sfidën e parë.

Ndërkohë edhe në ndeshjet e tjera të Ligave B-C dhe D, thuajse gjithçka ka përfunduar. Kjo fazë e Ligës së Kombeve përmbyllet të martën, ku luhen dhe ndeshjet Shqipëri-Islandë dhe Kosovë-Qipro.

LEXONI GJITHASHTU:

• Dështimi në Ligën e Kombeve, Shqipëria me sulmin më të dobët
• Sonte luhet Shqipëri-Izrael, trajneri Reja i beson sulmin Brojës dhe Uzunit
• Kosova mund Irlandën e Veriut në Ligën e Kombeve