Surprizat e zgjedhjeve në Itali, në kolaps Lega e Salvinit, ditë e trishtë për PD
Me rezultatin e votimit tani të qartë, ndarja midis fituesve dhe humbësve në zgjedhjet e përgjithshme italiane duket më pak e qartë se sa pritej.
Fitorja dërrmuese e koalicionit të qendrës së djathtë, e cila u shpall prej kohësh në sondazhe, nuk e lë në hije kolapsin elektoral të Legës së Matteo Salvinit, e cila ishte partia kryesore në zgjedhjet evropiane të 2019-ës me 34% të votave.
Pak më shumë se tre vjet pas këtij rezultati, partia e djathtë populiste e Salvinit po lufton për të arritur 9% të votave për shkak të hemorragjisë së votave që i ka zhvendosur votuesit e saj drejt partisë së djathtë konservatore të Giorgia Melonit. Rënia e vazhdueshme e mbështetjes mund ta hedhë Salvinin në një stuhi dhe nuk përjashtohet mundësia që liderët e rrymave të ndryshme të partisë të kërkojnë ndryshimin e gardës.
Ai që po konsolidon bazën e tij elektorale është Silvio Berlusconi. 8% e marrë nga Forza italia mund të forcojë peshën e së djathtës së moderuar brenda një qeverie të mundshme të udhëhequr nga Giorgia Meloni.
Lëvizja 5 Yjet e Giuseppe Conte, është partia e tretë më e votuar në mbarë vendin me 15% vetëm 4% pas Partisë Demokratike, partia kryesore opozitare. Ish-kryeministri ka grumbulluar shumë mbështetje në jug të vendit, pjesërisht falë popullaritetit të disa masave të miratuara kur ishte në qeveri.
Shumë pyesin se çfarë do të bëhet me shpirtin anti-establishment të dhënë nga themeluesi i lëvizjes Beppe Grillo, tani që Conte i ka dhënë një fytyrë më të moderuar partisë.
Në Partinë Demokratike të majtë ka një moment debati të brendshëm, i cili nuk ka kaluar 20% të synimeve votuese siç pritej. Kryesia e partisë flet për ‘një ditë të trishtë për vendin’ për shkak të fitores së së djathtës, por situata brenda partisë nuk është më pak dramatike.
LEXONI GJITHASHTU
Kryefaqja
Macron: Fitorja e Magyar shënon fillimin e një epoke të re në Hungari
Asambleja e Përgjithshme e OKB-së voton 5 anëtarët e rinj jo të përhershëm të Këshillit të Sigurimit
Rreth 90 serbë dëbohen nga aeroporti i Tivatit, policia malazeze i cilëson rrezik për sigurinë
- 23:16 Mot i keq në Shkodër, autoritetet apel qytetarëve: Shmangni zonat me risk
- 23:07 “Opozitë e krimit”! Protestuesit nga selia e PS-së shkojnë para selisë së PD-së
- 22:35 Tajani: Është SHBA-ja ajo që “duhet ta ndalojë Izraelin” për paqen në LM
- 22:33 SHBA tërheq trupat nga Lituania
- 22:28 Qytetarët bllokojnë rrugën pranë selisë së PS-së, thirrje të rinjve: Ngrihuni nga kafet
- 22:27 Irani shënjestron anijen amerikane në Gjirin e Omanit! Araghchi: Nëse Izraeli sulmon Bejrutin, rifillon lufta