Sekuestrohen 13 mijë euro veshje e 17 420 paund në Rinas, procedohen 3 persona

Rreth 13 mijë euro veshje kontrabanduara dhe 17 420 paund, janë sekuestruar ditën e sotme në pikën kufitare të Rinasit, ku tre persona janë vën nën hetim.

Policia bën me dije se në aeroportin e Rinasit kanë kaluar për kontroll më të detajuar në, bagazhet e grave Xh. S. dhe D. Sh, në të cilat u gjetën veshje të padeklaruara në Degën e Doganës Rinas, me vlerë 12 840 euro.

Ndaj shtetasve Xh. S. dhe D. Sh, rëndon akuza “Kontrabanda me mallra të tjera”.

Gjithashtu, nga shërbimet e Policisë Kufitare Rinas është goditur një rast i mosdeklarimit të të hollave në kufi.

Po në Rinas, policia kufitare  ka kaluar për kontroll më të imtësishëm në vijën e dytë, personin me iniciale D. H., të cilit i kanë gjetur dhe sekuestruar në cilësinë e provës materiale, 17 420 paund, të cilat ai nuk i kishte deklaruar.

Në përfundim të veprimeve, materialet proceduriale i kaluan Prokurorisë pranë Gjykatës së Rrethit Gjyqesore Tiranë, për veprën penale “Mosdeklarimi në kufi i të hollave ose sendeve me vlerë” dhe nisi procedimi penal për shtetasin D. H.

Policia Kufitare, në bashkëpunim me autoritetet doganore dhe Policitë vendore, do të vijojë kontrollet e imtësishme, me qëllim parandalimin dhe goditjen e çdo paligjshmërie.

LEXONI GJITHASHTU: 

• Prokuroria sekuestron 6 apartamente dhe llogari bankare, në pronësi të trafikantit
• Sekuestrohen 2000 litra naftë kontrabandë, në pranga një person