VIDEO| Reshjet e dendura të shiut dëmtojnë urën që lidh Thethin me Shalën

Reshjet e dendura të shiut kanë dhënë pasojat e para në Theth.

Për shkak të prurjeve të shumta, përroi në qendër të fshatit dhe lumi i Shalës ka dalë nga shtrati duke dëmtuar urën që lidh Thethin me Shalën.

Instituti i Gjeoshkencave si dhe Shërbimi Meteorologjik Ushtarak parashikojnë se java e fundit e muajit shtator do të karakterizohet nga reshje shiu.

Sipas një njoftimi për mediat, reshjet e shiut do të jenë me intensitet shumë të lartë në Qarkun e Shkodrës dhe intensive deri në nivelin mesatar në Qarqet Lezhë, Kukës, Dibër, Durrës, Tiranë, Elbasan, Fier, Berat, Vlorë dhe Gjirokastër.

Si pasojë e reshjeve mund të ketë vërshime të shpejta të lumenjve të vegjël malorë dhe rrëshqitje të dherave. Problematika mund të ketë edhe në zonat urbane, në këto qarqe ku mund të shfaqen probleme me përmbytje të lokalizuara.

LEXONI GJITHASHTU:

Reshje shiu gjatë javës, zonat ku pritet të ketë përmbytje

Reshje e stuhi, javën tjetër përkeqësohet moti. MM thirrje bashkive të marrin masat