Berisha për Gramshin: Investimi i vetëm u bë nga qeveria e kaluar

Kreu i Partisë Demokratike në një takim me qytetarët në Gramsh tha se investimi i vetëm në këtë qytet u bë nga qeveria e kaluar.

Ai solli në vëmendje shpopullimin e vendit që për të është jo vetëm i shpejtë, por marramendës.

“Sot shqiptarët janë të paktën 30 % më të varfër se në vitin 2013 dhe ua them me vërtetësinë më të madhe, sot ata duhej të ishin minimumi 2 herë më të mëkëmbur se në vitin 2013. Koha matet me zhvillimet që ndodhin gjatë saj. Po të pyesim sëbashku veten, çfarë zhvillimesh kanë ndodhur këto 8 vite në Gramsh, përveç projektit të madh të Devollit, që nuk është i këtyre viteve,” – u shpreh Berisha.

Ai kujtoi se si pas inaugurimit të kaskadës, Rama erdhi në po të njëjtin vend duke u shprehur se bëhej fjalë për gënjeshtrën e radhës së Berishës.

“Në të vërtetë sot ajo është një realitet i çmuar, i fuqishëm, pavarësisht se sot përsëri fshatrat e Gramshit buzë liqenit nuk kanë mundësi të vadisin tokat e tyre. Gjithë kjo vepër e madhe që është ndërtuar, në drejtim të fshatrave, zonave turistike nuk është ndërtuar asgjë,” – përfundoi Berisha.

LEXONI GJITHASHTU:

• Berisha: Për fatin e Martinajt di çdo gjë një vajzë, punon në Bashkinë e Tiranës
• Berisha: Rama e shiti detin, u dha grekëve pasurinë e gazit dhe naftës së detit Jon