Ligji i lustracionit, Bumçi: Të shkëputemi nga e shkuara, PS e kundërshton

Anëtari i Komisionit të Auditit në Partinë Demokratike, Aldo Bumçi u shpreh në një intervistë për Euronews Albania se ligji për lustracionin është një nismë që kundështohet nga PS.

Ai tha se PS kërkon të godasë opozitën me dosjet e ish-sigurimit por deklaratat dhe faktet kanë treguar të kundërtën.

“Lustracioni është që të ndalojë persona që kanë mbajtur pozicione të rëndësishme të caktuara dhe bashkëpunëtorët e tyre, që të marrin funksione në Shqipërinë demokratike. PS ka qenë kundët këtyre nismave. Në një përpjekje për të goditur opozitën. Në ditën që lë presidencën, një e-mial anonim shkon në autoritetin e dosjeve. Autoriteti në kundërshtim me ligjin vendon ta shqyrtojë dhe brenda ditës merr disa vendime dhe ia çon kuvendit. Duke thënë që ish-presidenti, ishte ky personi në fjalë dhe kërkonte ndryshime ligjore”, u shpreh Bumçi.

Këtë të mërkurë nënkryetari i Partisë Demokratike, Oerd Bylykbashi ka dorëzuar në Kuvend projektligjin për lustracionin.

Në një deklaratë për mediat, Bylykbashi theksoi se ky projektligj është dorëzuar me qëllim që funksionarët e lartë që kanë dhunuar të drejtën e shqiptarëve në komunizëm të mos jenë më në funksionet publike.

LEXONI GJITHASHTU:

• PD dorëzon në Kuvend projektligjin për lustracionin
• Lustracioni, Bushati: Kush e voton shërbëtor i Ramës ‘5 lekësh’
• ‘Mos e banalizo debatin’, Godole përplaset me Bushatin për dosjet