Një viktimë dhe 135 raste të reja me Covid-19 në Shqipëri

Një i vdekur dhe 135 raste të reja me Covid-19 janë regjistruar gjatë 24 orëve të fundit në Shqipëri. Doktoreshë Marjeta Dervishi nga Instituti i Shëndetit Publik theksoi se 72 qytetarë në orët e fundit janë shëruar nga coronavirus, duke e çuar numrin total që nga fillimi i epidemisë në 3227.

Sipas Ministrisë së Shëndetësisë në spitalin Infektiv dhe “Shefqet Ndroqi” po trajtohen aktualisht 122 pacientë të konfirmuar pozitivë me Covid-19, ku 20 janë në terapi intensive, ndërsa 3 prej tyre ndodhen të intubuar.

Shqipëria deri tani ka kryer 44881 testime të dyshuara, prej të cilëve  6151 kanë rezultuar pozitivë, ndërsa 189 qytetarë kanë humbur jetën.

Në nivel qarku Tirana renditet e para për numrin e vdekjeve, ndërsa ndiqet nga Durrësi, Shkodra dhe Vlora. Autoritetet u kanë kërkuar vazhdimisht qytetarëve, që të zbatojnë masat higjieno-sanitare, të ruajnë distancën, si e vetmja masë për të penguar përhapjen e pandemisë në nivel komunitar.

Shpërndarja gjeografike e rasteve aktive sipas qarqeve
Tiranë 1558
Durrës 348
Shkodër 231
Vlorë 98
Fier 90
Kukës 94
Korçë 85
Lezhë 80
Elbasan 45
Berat 44
Dibër 33
Gjirokastër 29