‘Mbyllni ALUIZNI-n’, Spahiu: Nuk duhet të ketë legalizime për ndërtimet pa leje

Juristi, Kreshnik Spahiu thotë se qeveria është antagoniste në aksionin e saj në lidhje me ndërtimet pa leje dhe se po kryhet për shkak të afrimit të zgjedhjeve lokale.

Në një intervistë për Euronews Albania, Spahiu u shpreh se të gjitha qeveritë në 30 vite, nuk e kanë kontrolluar këtë fenomen, për shkak se nga njëra anë ndahen certifikata për legalizimin e ndërtimeve pa leje nga agjencia e ALUIZN-it dhe nga ana tjetër ka ndëshkime për kate pa leje.

Sipas tij, që të mos frymëzohen ndërtimet pa leje, duhet mbyllur zyra e ALUIZN-it.

“Qeveria socialiste, përfshi dhe qeverinë e demokratëve, në 30 vite, aksionin bazë në fushtë elektorale kanë procesin e legalizimeve. Një qeveri, e cila ndan me mijëra certifikata legalizimesh të ndërtimeve pa leje, është inspiruesja dhe frymëzuesja kryesore e ndërtimeve pa leje në Shqipëri.

Çfarë vlere ka, kur në njërën kohë ti legalizon ndërtimet pa leje dhe në anën tjetër ti ndëshkon ndërtimet pa leje. Nëse do t’i vendosësh kapakun ndërtimeve pa leje, mbyllni ALUIZNI-n, mbyllni zyrën e legalizimit të ndërtimeve pa leje. Asnjë legalizim ndërtimesh pa leje në Shqipëri, zero. Kush ka ndërtuar pa leje, nuk mund të marrë certifikatë apo ta shesë”, theksoi ai.

LEXONI GJITHASHTU

• Konfiskimi i kateve pa leje, Rama: Mua nuk më kap dot askush me para
• Ndërtimet pa leje u shtuan me 10% në vitin 2021, raporti i prokurorisë
• Pezullohet nga detyra shefi i Komisariatit nr.1 në Tiranë për ndërtime pa leje