Bie besimi te ekonomia, treguesit ranë edhe për ndërtimin

Ndërtuesit janë pesimistë për të ardhmen e sektorit.

Vrojtimi i Bankës së Shqipërisë për muajin shtator thotë se treguesi i besimit ra me 5.3 pikë përqindjeje në krahasim me muajin gusht.

Shqetësimi i ndërtuesve lidhet me mungesën e krahut të punës dhe pasigurisë së çmimeve, megjithëse treguesi për kontratat porositëse ishte sërish me rritje edhe për këtë muaj. Në gusht, ndërtimi ishte i vetmi sektor me rritje besimi.

Sa i përket situatës së përgjithshme, vrojtimi i Bankës së Shqipërisë thotë se treguesi i besimit në ekonomi ra me 1.9 pikë përqindjeje, nga 0.6 që ishte në gusht.

Edhe treguesi i besimit konsumator shënoi rënie. Vrojtimi i Bankës së Shqipërisë thotë se rënia u ndikua kryesisht nga përkeqësimi i pritshmërive për situatën e përgjithshme ekonomike dhe rënia e konsumit.

Industria dhe tregtia ishin dy sektorët e vetëm me përmirësim të lehtë të treguesit të besimit në ekonomi.

Në krahasim tremujor, vrojtimi i Bankës gjen se gjendja financiare e bizneseve u përkeqësua për të gjithë sektorët gjatë tremujorit të tretë të vitit 2022.

LEXONI GJITHASHTU:

• Ngjela tregon pse iu ndalua Metës pjesëmarrja në Kongresin e PES-së
• FOTO | Metës i ndalohet pjesëmarrja në Kongresin e PES-it? E-maili që qarkulloi
• Çmimi i energjisë, ERE: Hiqet fasha 800 kwh për tetorin