Shifra shqetësuese, 11 viktima dhe 141 raste me Covid-19 në Kosovë

Shifrat e viktimave dhe të prekurve vijojnë të jenë të larta në Kosovë. Ministria e Shëndetësisë thekson se, gjatë 24 orëve të fundit kanë humbur jetën 11 qytetarë, ndërsa nga 440 teste të kryera, 141 prej tyre kanë rezultuar pozitivë.

Autoritetet shëndetësore në Kosovë që nga fillimi i pandemisë dhe deri sot kanë kryer 43 984 testime të dyshuara, ndërsa mbi 11 mijë janë prekur nga Covid-19.

Listës së të shëruarve i janë shtuar edhe 230 pacientë duke e çuar numrin total në 7.191, kurse numri i rasteve aktive është 3.824.

Rastet pozitive janë nga: Prishtinë 44 raste, Gjilan 17 raste, Pejë 14 raste, Podujevë 9 raste, Drenas 8 raste, Ferizaj 6 raste, Gjakovë 6 raste, Mitrovicë 6 raste, Viti 5 raste, Dragash 4 raste, Fushë Kosovë 4 raste, Malishevë 3 raste, Vushtrri 3 raste, Lipjan 2 raste, Kamenicë 2 raste dhe me nga një rast komunat Istog, Junik, Klinë, Obiliq, Prizren, Rahovec, Shtime dhe Skenderaj.

Në të gjithë Kosovën kanë humbur jetën 401 qytetarë për shkak të Covid-19.