10 mijë tapi në Gjirokastër/ Regjistrohen pronat e fundit në qytet, mbyllet procesi

Ka përfunduar në Gjirokastër regjistrimi i pronave me 10 mijë pasuritë e fundit që nuk kishin hipotekë. Në këtë qytet, ka shkuar drejtori i Kadastrës, për të ndarë disa prej certifikatave për banorët.

Mbi 10 mijë dokumente pronësie janë nxjerrë nga Agjencia e Kadastrës në qytetin e Gjirokastrës. Këto janë tapi, që përmbushin regjistrimin e plotë të pronave në disa prej lagjeve të qytetit.

“Nga sot Gjirokastra për herë të parë në historinë e saj, ngrihet me regjistrimin e plotë të 10 mijë pasurive, proces i cili përfshin zonën e qytetit të ri, përfshin kodrën e shtufit, Granicën.”- tha ai.

Për drejtuesin e Kadastrës, tashmë procesi mund të cilësohet i mbyllur, me një numër të përgjithshëm të tapive që mbërrin në 20 mijë.

“ 20 mijë pasuri private e publike dhe të bashkisë, këto janë tre kategori”-tha Lame

Gjirokastra bën pjesë në ato qytete në të cilat nuk kishte një regjistër të plotë pronash, që nga viti i pavarësisë. Procesi nuk ishte kryer as në lagjet e reja të qytetit të ndërtuara para dhe pas viteve 90.

LEXONI GJITHASHTU:

• Aplikim elektronik për pronat, dokumentet nga Kadastra do të merren tek noteri