Sezoni turistik, Kumbaro: Shtohet kufiri minimal i plazheve publike për bashkitë

Ministrja e Turizmit dhe Mjedisit Mirela Kumbaro, pas mbledhjes së Këshillit të Ministrave deklaroi se kanë ndryshuar kufirin e stacioneve të plazheve publike, që do të përdoren nga bashkitë.

Kufiri minimal sipas ministres është rritur me 10%, që do të thotë nga 20 që ishte, vitin tjetër kufiri minimal do të jetë 30%.

“Po përgatitemi për sezonin e ardhshëm veror. Kemi ndryshuar kufirin minimal të stacioneve  të plazhit publike që do të përdoren nga bashkitë. Ndonëse këtë vit në total 50% e parcelave të plazhit të parashikuara nga bashkitë bregdetare ishin publike, minimumi ligjor ishte 20% dhe e ngritëm në 30%. Kontratat do të jenë të vlefshme edhe për vitin tjetër”- u shpreh Kumbaro.

Më tej ajo theksoi se nga stacionet e plazhit janë mbledhur 505 milionë lekë për vitin 2022.

“Nga këto kontrata që kanë vlerë për pushtetin vendor, mjafton të përmendim faktin se janë mbledhur 505 milionë nga stacionet e plazhit për vitin 2022. Janë të domosdoshme për të garantuar monitorim mirëmbajtje pastrim.”- tha Kumbaro.

LEXONI GJITHASHTU: 

• Buxheti 2023, Ibrahimaj: S’do rritje të çmimit të energjisë për familjarët