Meta pret ambasadorin serb: Të respektohen të drejtat e shqiptarëve në Luginë

Kryetari i Partisë së Lirisë, Ilir Meta ka pritur në zyrën tij amnasadorin e Serbisë në Tiranë, Slobodan Vukčević.

Përmes një postimi në rrjetet sociale, Meta tha se gjatë takimit, ka nënvizuar nevojën për respektimin e të drejtave të plota të shqiptarëve në Medvegjë, Bujanovc e Preshevë.

Meta theksoi angazhimin e Partisë së Lirisë për marrëdhënie bashkëpunimi institucionale dhe konkrete me interes reciprok, midis Shqipërisë dhe Serbisë, si edhe në kuadër të bashkëpunimit rajonal dhe integrimit europian.

Ndër të tjera, ish-presidenti u shpreh se mbështet dialogun e ndërmjetësuar nga Bashkimi Evropian, midis Kosovës dhe Serbisë, për normalizimin e marrëdhënieve dhe njohjen reciproke midis dy shteteve.

LEXONI GJITHASHTU

• Sezoni turistik, Kumbaro: Shtohet kufiri minimal i plazheve publike për bashkitë
• Buxheti 2023, Ibrahimaj: S’do rritje të çmimit të energjisë për familjarët