25 vite minator në Bulqizë, Turja: S’dihet a del gjallë, nënat kanë ngelur pa djem

Nervuz Turja, ka punuar 25 vite në minierën e Bulqizës. Udhëtuam deri në Bulqizë për ta takuar dhe të mësuar më shumë mbi vështirësitë e punës së një minatori.

“Kam qenë 16 vjeç kur kam nisur përherë të parë, të vështira kanë, kam ngel 2-3 orë brenda, mundohesh mbrohesh të zë ai”- tha ai.

Sot është pensionist. Gjendja fizike ja ka shtuar edhe më shumë problemet.

“280 mijë lekë pension, vetëm më ilaçe nuk me del, me më vdekur gruaja kush me vjen mua me 35 mijë lekë”

65 vjeçari na thotë se thuajse çdo burrë në atë zonë, i siguron të ardhurat nga puna në minierë. Nervuzi tregon se sakrifica që secili prej tyre bën, nuk ka të paguar.

“Pagat janë shumë të ulëta, ai të jep 20 mijë lekë 30 mijë lekë”- tha ai.

Në atë minierë kanë humbur jetën shumë punëtor, por njërën e kujton me mall.

“Ja ky çuni këtu, ka pas lokalin, si eci filloi në minierë për tre katër muaj që punoi u vra, 28 vjeç çun, ai sa filloi punë u vra ka lënë çunin gruan, çun i vetëm”

Nervuzi tregon se çdo ditë lutej para se të dilte nga shtëpia, që ajo ditë të mos ishte e fundit e jetës së tij.

Për tu futur brenda galerisë është e pamundur. Ajo ruhet më postoblloqe, ndërsa minatorët kanë frikë të flasin edhe pse jashtë kamerave pranojnë se çdo ditë që shkojnë për në punë, bëjnë pakt me vdekjen.

LEXONI GJITHASHTU: 

• “Minierat sektor kriminal”, Marka: Drejtësia nuk vepron për zbardhjen e ngjarjeve
• Statusi i harruar i minatorit, politika e premtoi para zgjedhjeve