Ukrainë, raketa ruse godet qytetin e Zaporizhia 

Një raketë goditi qytetin e Zaporizhia në jug të Ukrainës të premten në mëngjes, sipas informacioneve nga kreu i Administratës Ushtarake rajonale të Zaporizhia.

“Armiku ka sulmuar Zaporizhian. Infrastruktura në një nga rrethet e qytetit është shkatërruar,” tha Anatoliy Kurtev, ushtrues detyre i kryetarit të qytetit Zaporizhia.

Sipas mediave, deri më tani nuk raportohet për viktima si pasojë e sulmit.

Zaporizhia është një qendër kryesore në Ukrainën jugore, pjesërisht e pushtuar nga forcat ruse.

Në fillim të këtij muaji, presidenti rus Vladimir Putin nënshkroi në ligj masat për të aneksuar ilegalisht katër rajone të Ukrainës, duke përfshirë Zaporizhia.

LEXONI GJITHASHTU: 

• Lufta në Ukrainë/ Çfarë propozon plani i paqes i Elon Musk
• Lufta në Ukrainë/A mund të përdorë Rusia armë bërthamore taktike?