Bislimi: Ka tre qëndrime për liberalizimin e vizave, i konsideroj si kushte të reja

Zëvendëskryeministri i Kosovës, Besnik Bislimi i ka konsideruar si kushte të reja, idetë që janë diskutuar më 13 tetor në grupin punues për vizat në Këshillin Evropian, lidhur me liberalizimin e vizave.

Sipas tij, edhe pse asnjë shtet nuk ka pasur hezitime për liberalizimin e vizave, ka pasur tre lloje të qëndrimeve, shkruan REL.

“Kemi vende të cilat pa asnjë rezervë e kanë përkrahur liberalizimin e menjëhershëm të vizave për Kosovën, kemi ato shtete, të cilat për arsye të dinamikave politike nuk kanë mundur të japin qëndrimin zyrtar.

Janë edhe vendet pakicë, të cilat nuk e kundërshtojnë liberalizimin e vizave për Kosovën, por dëshirojnë që këtë ta lidhin me disa elemente tjera, të cilat për neve janë kushte të reja, apo kritere të reja. Edhe pse ata pretendojnë se janë vetëm teknikalitete, për ne janë kushte të reja”, theksoi ai.

Në takimin e 13 tetorit janë shtruar tri çështje kyçe: lidhja e liberalizimit të vizave për Kosovën me funksionalizimin e sistemit ETIAS, harmonizimi i sistemit kosovar të vizave me atë të Bashkimit Evropian, si dhe marrëveshja për riatdhesimin e qytetarëve.

LEXONI GJITHASHTU

• Franca kushtëzon liberalizimin e vizave për Kosovën
• Rreziku i luftës, 15 vende evropiane të gatshme për të blerë sisteme mbrojtje ajrore
• ‘I gatshëm të takohem me Vuçiç kurdo më kërkohet’, Kurti: Por ndërkohë jeta vazhdon