Sivasspor feston në ‘Fadil Vokrri’, skuadra turke mposht Ballkanin

Sivaspori i ka bërë një dhuratë të pakëndshme Ballkanit në Conference League, duke i mposhtur këta të fundit me rezultatin 1-2.

Ekipi nga Suhareka e mbylli pjesën e parë në avantazhin 1-0. Në pjesën e dytë miqtë u treguan dhe më kërkues duke rritur intensitetin e lojës dhe sulmet në portën kundërshtare.

Në minutën e 72 ishte Arslan ai i cili mposhti Frashërin duke sjellë barazpeshën e përkohshme. Lodhja tek vendasit bëri që Sivaspori të shënonte dhe golin e dytë me Angielskin 9 minuta më pas. Pas golit të dytë të miqve, trajenri Daja kreu dhe 4 zëvendësime, por pa mundur të ndryshonte rrjedhën e takimit.

Grupi G aktualisht udhëhiqet nga Sivaspori me 7 pikë dhe pas tij vjen Kluzhi. Slavia e Pragës dhe Ballkani janë me nga 4 pikë, pasi edhe çekët u mposhtën në Rumani 2-0. Edhe ndeshjen e radhës në Conference League, ekipi nga Suhareka e zhvillon në shtëpi ndaj çekëve.

LEXONI GJITHASHTU:

• Teuta kërkon fitoren e parë, durrsakët duan të lënë pas krizën