Ndalohen tifozët udhëtues, në Angli hartojnë planin për rikthimin e mbështetësve në stadiume më 3 tetor

Sezoni i ri i Premier League do të jetë padyshim ndryshe nga sa jemi mësuar, pasi në kuadër të parandalimit të përhapjes së COVID-19, masat e marra janë mjaft të rrepta.

Federata angleze po punon për të rikthyer tifozët në stadiume duke nisur nga 3 tetori, por natyrisht do të ketë një kufizim të pjesëmarrjes prej 20 deri në 30% të numrit të tifozëve që do të lejohen në stadium.

E sigurt duket se në sezonin e ri në asnjë impiant të Anglisë nuk do të ketë tifozë të skuadrës mike, pasi rreziku për përhapjen e infeksionit është i madh, nëse do të ketë lëvizje masive nga njëri qytet në tjetrin.

Nëse gjithçka do të shkojë sipas planit, tifozët anglezë mund të rikthehen në stadiume në datën 3 tetor, por gjithçka do të varet nga situata e pandemisë në Britani, pasi nëse përkeqësohet, do të ketë hapa pas dhe rishqyrtim të mundësisë së rikthimit të tifozëve në shkallët e stadiumit.