Kushi u kërkon dialog pedagogëve: Bashkëpunimi është zgjidhja më e mirë

Ministrja e Arsimit Evis Kushi apeloi për dialog me pedagogët gjatë fjalës së saj në ceremoninë e diplomimit të studentëve të Universitetit të Sporteve të Tiranës.

Ndërsa e ndau përgjegjësinë për të ofruar arsim cilësor dhe me vetë pedagogët, ktheu kokën nga sfidat e vështira.

“Shpeshherë gjendemi përballë sfidave të vështira. Shpeshherë kemi debate me njëri-tjetrin. Shpeshherë kemi mosdakordësi. Por në vend që të konfrontohemi unë besoj që zgjidhja më e mirë është që ne të ulemi bashkërisht pikërisht me frymë konstruktive me frymë dialogu me frymë ndershmërie, dhe duke mirëkuptuar njëri-tjetrin. Duke mirëkuptuar kushtet reale dhe burimet që kemi në dispozicion,” – u shpreh Kushi.

Ministrja u zotua se do të vazhdojnë të bëjnë më të mirën për pedagogët në cijim të rritjes së pagave me 15%.

“ne do të punojmë edhe për të mbështetur kërkimin shkencor, edhe për infrastrukturën e kërkimit shkencor. Por ndërkohë do të kërkoja dhe nga ju sa më shumë përkushtim, sa më shumë përpjekje të përbashkëta, sa më shumë angazhim, në mënyrë që të gjejmë zgjidhje për çdo shqetësim, për çdo problematikë që kemi. Të bëjmë më të mirën për studentët tanë,” – tha ajo.

Kushi bëri thirrje që të shfrytëzohet dialogu për një bashkëpunim konstruktiv.

LEXONI GJITHASHTU:

• Pedagogët bojkot auditorëve: Të hënën s’hyjmë në mësim pa na u plotësuar kërkesat
• Pse studentët duhet të bashkohen në protestën e pedagogëve? Flet Ardian Isufi
• Kushi: Pagat e pedagogëve do të rriten me 15 për qind