Presidenti kinez për zhvillim më të shpejtë ushtarak: 5 vitet në vijim, vendimtare

Presidenti kinez Xi Jinping bëri thirrje për zhvillim më të shpejtë ushtarak dhe njoftoi se nuk do të ketë ndryshime në politikë.

“Pesë vitet e ardhshme do të jenë vendimtare,” tha Xi, në një fjalim 1 orë e 45 minuta para rreth 2,000 delegatëve në Sallën e Madhe të Popullit në Pekin, në Kongresin e 20-të Kombëtar të Partisë Komuniste të Kinës (CPC), raportoi AP.

Ai ka thirrur vazhdimisht sloganin e tij për “përtëritjen e kombit kinez”, i cili përfshin ringjalljen e rolit të partisë si një udhëheqëse ekonomike dhe sociale në kthimin e asaj që Xi e konsideron një epokë të artë, pasi ajo mori pushtetin në 1949.

Ushtria Çlirimtare Popullore duhet “të mbrojë dinjitetin dhe interesat kryesore të Kinës”, tha Xi.

Ai theksoi se do të punohet më shpejt në modernizimin e teorisë ushtarake, personelit dhe armëve, si dhe do të përmirësohen kapacitetet strategjike të ushtrisë.

Xi përmendi strategjinë serioze të qeverisë së tij për të mposhtur pandeminë e COVID-19 si një sukses dhe shtoi se partia do të ndërtojë “besimin dhe forcën” në teknologji, duke përmirësuar sistemin arsimor të Kinës dhe duke tërhequr ekspertë të huaj.

Ai nuk e përmendi pushtimin rus të Ukrainës.

LEXONI GJITHASHTU:

• Xi Jinping: Kina nuk do të heqë dorë nga e drejta për të përdorur forcën në Tajvan
• Xi Jinping paralajmëroi përdorimin e forcës, reagon Tajvani
• Kongresi i Partisë Komuniste të Kinës, Xi Jinping pritet të marrë mandatin e tretë