Edi Oga: Ka politikanë që paguajnë grupe folklorike për t’u bërë këngë

Moderatori, Edi Oga thotë se ka liderë politikë, të cilët paguajnë grupe folklorike për t’u bërë këngë në fushata elektorale.

Në një intervistë për Euronews Albania, Oga u shpreh se edhe pas rënies së komunizmit, nuk ka rënë kulti i individit, për shkak se nuk kanë ikur ata që e ushqyen një gjë të tillë.

“Vërtet e rrëzuam kultin e individit si mentalitet, ose po punojmë për këtë, por nuk kanë ikur ata që e ngritën dhe e ushqyen kultin e individit. Këta këngëtare folklorikë, mund ta bëjnë për një vend pune, për të ngritur pozicionin e tyre social aty ku janë. A duan këta liderë?

Kam përshtypjen që disa nga liderët e kanë bezdi këtë pjesë, ka disa të tjerë që ndoshta i paguajnë, i porosisin, në varësi nga efekti që këto mund të prodhojnë në fushata elektorale për të marrë vota. Çdo gjë ka çmimin e vet, me një çmim të madh, ndoshta do krijoja diçka, por do zhdukesha nga ky vend, nga turpi. Mua nuk më qëndron në formimin tim, në momentin që i thur elozhe një personi që është gjallë dhe nuk është gjykuar nga historia”, theksoi ai.

LEXONI GJITHASHTU

• Amnistia, ‘molla e sherrit’, këndvështrimet e ndryshme të Ramës dhe ndërkombëtarëve
• Amnistia fiskale po bëhet për të shpëtuar paratë e politikanëve, thotë Pano Soko
• Si do vijnë paratë e emigrantëve, me gomone? Ana tjetër e amnistisë sipas ekspertes