Sherr në rrugët e Londrës, vritet 27-vjeçari shqiptar (EMRI)

Një 27-vjeçar me origjinë shqiptare është gjetur i pajetë pranë stacionit të metrosë në Londër.

Bëhet fjalë për Lumturi Zeqiraj.

Mediat e huaja, bëjnë me dije se ngjarja e rëndë ka ndodhur pak para orës 23:00 të së dielës (16 tetor), në një rrugë jashtë një stacioni metroje në Londrën Lindore.

Sipas medieve vendase për arsye ende të paditura shqiptari është konfliktuar me një person tjetër, i cili ka mbetur i plagosur gjatë sherrit.

Aktualisht i plagosuri po merr ndihmë mjekësore në spital, ndërsa identiteti i tij nuk është bërë ende i ditur.

Asnjë arrestim nuk është bërë dhe personi përgjegjës për sulmin është ende i lirë dhe policia tha se ka një sërë pistash të ndryshme.

Inspektori Adam Callaghan tha: “Hetimi ynë po ecën me ritëm dhe ne po ndjekim një sërë linjash hetimi. Prioriteti ynë është gjetja e personit përgjegjës dhe gjetja e drejtësisë për viktimën dhe familjen e tij”.

Familja e Lumturi Zeqjas është informuar dhe do të bëhet ekspertiza pas vdekjes. Oficerët e mjekësisë ligjore kanë qenë në vendin e ngjarjes mëngjesin e sotëm (17 tetor) duke mbledhur provat.

LEXONI GJITHASHTU: 

• Thellohet defiçiti tregtar, çmimet rrisin vlerën e importeve
• “Amnistia fiskale, rrezik për progresin”, ambasadorja e BE flet për raportin e KE