Fituan 700 mijë € nga shqiptarët që kaluan kufirin grek ilegalisht, 17 të arrestuar

Autoritetet greke kanë shkatërruar grupin kriminal, që ka lejuar kalimin e paligjshëm të shqiptarëve në Greqi

Mediat greke, bëjnë me dije se në pranga kanë rënë 17 persona, ku në mesin e tyre janë edhe 7 efektivë policie.

Këto të fundit punonin në pikën kufitare greke në Kristalopigji që lidh Shqipërinë me Greqinë.

Sipas mediave grupi kriminal i përbërë nga qytetarë dhe policë doganor ka lejuar kalimin e paligjshëm të më shumë se 1700 shqiptarëve, kundrejt pagesës.

Mësohet se ky grup ka marrë 700 mijë euro nga shqiptarët të cilët kanë dashur që të kalojnë kufirin ilegalisht.

Çdo oficer policie i përfshirë në rrjet, merrte një shumë mujore  nga 2000 deri në 10000 euro në varësi të  produktivitetit.

Në kontrollet fizike, si dhe në banesa dhe lokale, në kuadër të këtij operacioni janë gjetur dhe sekuestruar:

-463.000 euro, 380 dollarë australianë, 19 dollarë amerikanë, 20 dinarë të Shkupit dhe 8.540 lekë shqiptare,

– 511 pako cigare dhe 17 paketa duhan, pa akcize.

-shënime të shkruara me dorë,

-2 pasaporta në të cilat është vërtetuar në mënyrë të rreme hyrje/dalja për në dhe nga territori grek dhe armë gjahu dhe 122 fishekë.

LEXONI GJITHASHTU: 

• Shkatërrohet grupi kriminal në Durrës, mes të arrestuarve një polic dhe një ushtarak
• Shkatërrohet grupi “Bad Boys” në Itali, 4 shqiptarë në pranga. Kokainën e groposnin