PD kritika për shkollat, Vokshi: Protokolli i pazbatueshëm në praktikë

Partia Demokratike ka akuzuar qeverinë se nuk ka marrë asnjë masë serioze për përballimin e pandemisë COVID-19 me rihapjen e shkollave në muajin shtator.

“Protokolli i sigurisë, i publikuar nga Ministria e Arsimit është me rregulla të përgjithshme dhe i pazbatrueshëm në pjesën më të madhe të shkollave. Prindërit, nxënësit dhe mësuesit janë të paqartë për orët e mësimit, për turnet në shkolla, si do të zbatohet distanca 1.5 metra e fëmijëve, çfarë do të bëhet për të garantuar kushtet higjeno-sanitare, në mënyrë që rinisja e mësimit të mos shndërrohet në një katastrofë shëndetësore”, tha Vokshi.

Nga selia blu, ish-deputetja demokrate Albana Vokshi, tha se situata është edhe më kritike për nxënësit e shkollave që janë shembur për shkak të tërmetit.

“Cili është plani i qeverie për të sistemuar mbi 23 mijë nxënësit dhe mësuesit, që nuk kanë më një shkollë për shkak të tërmetit?

Për Vokshin, qeveria shqiptare është e vetmja në Evropë që nuk ka dhënë asnjë qindarkë shtesë për përballimin e pandemisë me rihapjen e shkollave.

Lexoni gjithashtu:

Udhëzimi për hapjen e shkollave, prindërit: S’jemi informuar, zbatimi i vështirë

Kthimi në shkolla, në disa gjimnaze mund të ketë mësim me 4 turne

Rregullorja për shkollat, specialistja e ISHP-së shpjegon zbatimin në praktikë të masave anti-COVID

Jo të gjithë fëmijët me maskë! OBSH dhe UNICEF: Duhet vlerësuar mosha dhe sëmundshmëria

Protokolli për hapjen e shkollave, një nxënës në bankë dhe në distancë 1.5 metër